Լունդսկի համալսարանի շվեդ գիտնականներն աշխատում են քաղցկեղի դեմ նրբերշիկ ստեղծելու ուղղությամբ, հայտնում է Korrespondent-ը: Համալսարանի կայքում նշվում է, որ արտադրանքը պետք է «զգուշացնի» աղիքային քաղցկեղի առաջացման մասին: «Հակաօքսիդանտներով նրբերշիկները կարող են իջեցնել քաղցկեղով հիվանդանալու վտանգն այն մարդկանց մոտ, ովքեր սնվում են ոչ կանոնավոր և բուսական սննդից չեն ստանում բավարար հակաօքսիդանտներ»,- ասել է նախաձեռնության հեղինակ Եվա Տորնբերգը:
Գիտնականները ԵՄ-ից արդեն ստացել են դրամաշնորհ և սկսել աշխատանքները: