Հյուսթոնում ավարտին է մոտենում ծանրամարտի աշխարհի առաջնությունը: Այս գիշեր մրցահարթակ էին դուրս եկել գերծանր քաշային կարգի ծանրորդները։ Այս քաշային կարգում Հայաստանը ներկայացնում էին Գոռ Մինասյանը և Ռուբեն Ալեքսանյանը: 21-ամյա Գոռը նվաճեց փոքր բրոնզե մեդալ։ Մինասյանը, սակայն, ձեռքից բաց թողեց երկամարտի բրոնզե մեդալը։ Նրան շրջանցեց էստոնացի Մարտ Սեյմը։ Գոռը, պոկելով 203 կգ և հրելով 234 կգ, երկամարտի 437 կգ արդյունքով զբաղեցրեց 4-րդ հորիզոնականը։ Հիշեցնենք, որ ավելի վաղ փոքր բրոնզե մեդալ էին նվաճել Անդրանիկ Կարապետյանը և Սիմոն Մարտիրոսյանը։
|