ShiftWear-ը հիանալի կոնցեպտ է, որն այսուհետ հնարավորություն կտա մարզակոշիկների սիրահարներին՝ ամեն անգամ նոր ու տպավորիչ տեսք ունենալ: Այս մարզակոշիկներն ունեն ճկուն էկրան՝ ստեղծված էլեկտրոնային թանաքի հիմքի վրա (e-ink): Սմարթֆոնի հատուկ հավելվածի շնորհիվ այդ էկրանը պատկերում է օգտագործողի նախընտրած պատկերը կամ անիմացիան մարզակոշիկի վրա: Ընդ որում, էլեկտրական թղթի տեխնոլոգիայով ստեղծված գունավոր էկրանը տալիս է գունային անսահմանափակ հնարավորություններ: Նման էկրանները ծախսում են շատ քիչ էներգիա, մարզակոշիկները մեկ անգամ լիցքավորելը կբավականացնի 30 օր: Բացի այդ, մարտկոցը կլիցքավորվի քայլելու ընթացքում: Սակայն այսքանով արտադրողները չեն բավարարվում՝ խոստանալով մարզակոշիկները դարձնել ջրադիմացկուն, որպեսզի դրանք հնարավոր լինի լվանալ լվացքի մեքենայում: Առայժմ առաջարկվում է մարզակոշիկների 3 չափ, որոնք տարբերվում են միայն բարձրությամբ, արժեքը կտատանվի 150-350 դոլարի սահմաններում: |