Այս լուսանկարը աբստրակտ ոճում ստեղծված կտավ չէ, այլ Սան-Ֆրանցիսկոյի նեղուցի իրական պատկերը: Այս գունավոր հատվածները ջրամբարներ են, որտեղ աղ են ստանում: Ծովի ջուրը ջրարգելակների միջոցով բաց են թողնում ջրամբարներ, որտեղ այն մնում է այնքան ժամանակ, մինչև որ դրա զգալի մասն արևից և չոր քամիներից գոլորշիանում է: Այդ ընթացքում ջրամբարների հատակին նստում է բյուրեղացած աղի հանքանյութը: Այն հավաքում են, մաքրում խառնուրդներից և ստանում սննդի մեջ այնքան անհրաժեշտ աղը: Այս գործընթացը տևում է 5 տարի, իսկ այդ ընթացքում ջրամբարներում առաջանում են բազմաթիվ միկրոօրգանիզմներ, որոնք էլ պայմանավորում են դրանց գույնը: |