Մինչ Րաֆֆի Հովհաննիսյանը փորձում էր ճեղքել ոստիկանական պատն ու ծաղկեփունջ դնել ՀՀԿ շենքի մոտ, Երևանի փոխոստիկանապետ Վալերի Օսիպյանը Ժիրայր Սեֆիլյանին ասաց, որ նրանք շեղվել են երթուղուց ու չեն կարող Մելիք-Ադամյան փողոցում գործողություններ կատարել:
Օսիպյանի հետ զրույցից հետո, դիմելով հավաքվածներին, Ժիրայր Սեֆիլյանն ասաց. «Պարոն Հովհաննիսյանը պատրաստվում էր ծաղիկ դնել քոսոտ շենքի առաջ: Ոստիկանների հետ լարումը թուլացնելու նպատակով հետ կանգնեցինք, քանզի խնդիր չունենք իրար քաշքշելու. մեր երեխեքն են: Մեր ճնշումը խաղաղ բնույթի է լինելու: Կսպասենք 8 րոպե, որ ոստիկանությունն ասի` ծաղկեփունջն ինչպես ենք տեղ հասցնելու»,- ասաց Հիմնադիր խորհրդարանի անդամը:
«Կխնդրեմ` զերծ մնալ նման քայլից ու շարունակել երթը: Եթե ուզում եք ծաղիկ փոխանցել, ընտրեք այլ օր, իսկ հիմա զերծ մնացեք սադրանքներից»,- քիչ առաջ արձագանքեց Վալերի Օսիպյանը: