Այսօր` փետրվարի 6-ի վաղ առվոտյան, Թայվանի հարավային հատվածում 6,4 մագնիտուդ հզորությամբ ուժգին երկրաշարժ է տեղի ունեցել: Այս մասին գրում է BBC-ն: Աղբյուրը նշում է, որ երկրաշարժի հետևանքով տուժել է հատկապես Թայվանի խոշոր քաղաքներից Թայնանը: Ուժգին երկրաշարժը դարձել է այդ քաղաքաում մի շարք շինությունների փլուզման պատճառ, որոնց թվում նաև` 17 հարկանի բնակելի շինություն: Նշվում է նաև, որ ցնցումների պատճառով 5 մարդ մահացել է. Նրանց թվում է եղել նաև 10-ամյա մի տղա և 10 օրական մի աղջիկ: Փրկարարներին հաջողվել է 17 հարկանի շինության փլատակների տակից փրկել 123 մարդու, սակայն ընդհանուր առմամբ շենքում բնակվում էր 240 մարդ: Եվս 30 մարդու հնարավոր է եղել փրկել մեկ այլ քանդված շինությունից: Երկրաշարժի էպիկենտրոնը գտնվել է Թայվանից 43 կմ հարավ-արեւելք, օջախը՝ 23 կմ խորության տակ: |