Հիփոթեքային վարկավորման խախտումների համար Միացյալ Նահանգները 470 միլիոն դոլարով տուգանել է HSBC-ի բանկի բրիտանական մասնաճյուղը: Այս մասին գրում է BBC-ն:

Աղբյուրը նշում է, որ բրիտանական բանկը տուգանվել է 2008թ. ֆինանսական ճգնաժամից առաջ հիփոթեքային վարկավորման ծրագրերով թույլ տված խախտումների համար։ HSBC-ի հանդեպ հետաքննությունը վարում էր ԱՄՆ արդարադատության նախարարությունը` 49 նահանգների դատախազությունների օգնությամբ: ԱՄՆ-ի իշխանությունները կասկածել են HSBC-ին 2008թ. սկսված ճգնաժամի տարիներին հիփոթեքով ձեռք բերված տներից պարտապանների վտարման վերաբերյալ գործերի համար, որից ԱՄՆ-ի հազարավոր քաղաքացիներ են տուժել:

Նշվում է նաև, որ տուգանքից 370 միլիոն դոլարն ուղղվելու է 2008-2012թթ. բանկի գործունեության հետևանքով իրենց բնակարաններից զրկված քաղաքացիներին փոխհատուցում տրամադրելուն: