Շուրջ 50 տարվա պատմություն ունեցող Վանաձորի «Հորովել» երգի-պարի անսամբլը `Վանաձորում, Արցախում և Գյումրիում ունեցած համերգ-ներկայացումներից հետո, մենահամերգով կներկայանա մայրաքաղաքի հանդիսատեսին:
Երևանյան համերգը` մարզերում և Արցախում տեղի ունեցած համերգների տրամաբանական շարունակությունն է: Այս հյուրախաղերի նպատակն է մայրաքաղաքի հանդիսատեսին ներկայացնել մարզերում ստեղծագործող խմբերի այն կոլորիտն ու ոճը, որը պահպանվել է ազգային մտածելակերպի շնորհիվ: Համույթի գեղարվեստական ղեկավարը Արմեն Ներսիսյանն է, երաժշտական մասի ղեկավարը` Էլմիրա Կռոյանը, գլխավոր բալետմայստերը Արայիկ Գևորգյանն է:
Հորովելցիները մայրաքաղաքի հանդիսատեսին կներկայանան յուրատեսակ համերգային ծրագրով, որն իր մեջ ներառում է ժողովրդական երգն ու պարը, ազգային ոգին ու ավանդույթները:
Համերգը տեղի կունենա մայիսի 10-ին` Հակոբ Պարոնյանի անվան երաժշտական կոմեդիայի թատրոնի բեմում: