Չինաստանում միայն ընթացիկ շաբաթվա ընթացքում տեղի ունեցած ջրհեղեղների հետևանքով մահացել է 80 մարդ, իսկ ավելի քան 90 անձ համարվում է անհայտ կորած։

Հորդառատ անձրևների պատճառով մոտ 16 մլն մարդ լքել է տները։ Ամենաշատը տուժել են Խեբեյ և Խենան շրջանները։ Նշվում է, որ առնվազն 36 մարդ մահացել է միայն երկրի հյուսիս-արևելքում գտնվող Խեբեյում։

Չինաստանի տարբեր շրջաններում տեղատարափ անձրևները չեն դադարում՝ սկսած հունիսի վերջերից։ Ընդհանուր առմամբ՝ ջրհեղեղի հետևանքով Չինաստանում մահացել է 200 մարդ։