Վերաքննիչ քրեական դատարանը բեկանել է Առաջին ատյանի դատարանի որոշումը և Սարի թաղում հուլիսի 29-ին անկարգությունների գործով կալանավորված Գարիկ Առուստամյանին ազատ արձակել, այս մասին տեղեկացրեց նրա պաշտպան Զորայր Հարությունյանը:
Հիշեցնենք, որ Գարիկ Առուստամյանին մեղադրանք է առաջադրել Քրեական օրենսգրքի 225-րդ հոդվածի 2-րդ մասով, այն է՝ զանգվածային անկարգությունների ժամանակ դրանց մասնակցի կողմից բռնություն գործադրելը, ջարդ կամ հրկիզում իրականացնելը, գույք ոչնչացնելը կամ վնասելը, հրազեն, պայթուցիկ նյութեր կամ պայթուցիկ սարքեր գործադրելը կամ իշխանության ներկայացուցչին զինված դիմադրելը: