Արմեն Լամբարյանի պաշտպան Ինեսսա Պետրոսյանն այսօր լրագրողների հետ զրույցում տեղեկացրել է, որ Վերաքննիչ քրեական դատարանը մերժել է կալանավորման դեմ ներկայացված բողոքը: «Գործը քննվել է բավական արագացված կարգով»,-տեղեկացրել է պաշտպանը` հավելելով, որ իր պաշտպանյալը դատական նիստին չի մասնակցել` ցանկություն չունենալու պատճառով:
Հիշեցնենք, որ Արմեն Լամբարյանին մեղադրանք է առաջադրվել Քրեական օրենսգրքի 219-րդ հոդվածի 3-րդ մասի 1-ին կետով (կազմակերպված խմբի կողմից շենքեր, շինություններ, տրանսպորտի, հաղորդակցության կամ կապի միջոցներ զավթելը) և 235-րդ հոդվածի հատկանիշներով: