Ազատ ոճի հնդիկ ըմբիշ Յոգեշվար Դութը հրաժարվել է մրցակցի դրական դոպինգ-թեստի պատճառով իրեն բաժին հասած մեդալից։ Հիշեցնենք, որ 2013-ին մահացած Լոնդոնի օլիմպիական խաղերի արծաթե մեդալակիր Բեսիկ Կուդուխովի դոպինգ-փորձանմուշը, վերստուգումների արդյունքում, դրական արդյունք էր տվել, ինչի արդյունքում նրա մեդալը պետք է փոխանցվի հնդիկ ըմբիշին․ «Բեսիկ Կուդուխովը մեծ ըմբիշ է։ Ես հարգում եմ նրան՝ որպես մարզիկի։ Նրա թեստի՝ դրական լինելու մասին նրա մահից հետո հայտնի դառնալը ողբերգություն է։ Եթե հնարավոր է, պետք է թույլ տանք Կուդուխովին՝ պահպանել մեդալը։ Մարդկայնությունն ինձ համար առաջնահերթ է»,- նշել է մարզիկը։ |