Ֆրանսիայի նախկին նախագահ Նիկոլա Սարկոզին, ով ցանկանում է մասնակցել 2017 թվականի մայիսին կայանալիք նախագահական ընտրություններին, հայտարարել է, որ նախագահի պաշտոնում վերընտրվելու պարագայում կդադարեցնի Թուրքիայի հետ ԵՄ անդամակցության բանակցությունները: Այս մասին հայտնում է Financial Times-ը:
«Կարծում եմ` եկել է ժամանակը Թուրքիային ասելու, որ նրա տեղն Ասիայում է»,- ասել է Սարկոզին:
Խոսելով ԵՄ-ից` նա նշել է, թե կցանկանար, որ Մեծ Բրիտանիան վերանայի Եվրոմիությունից դուրս գալու մասին հանրաքվեի արդյունքները և կրկին միանա կառույցին:
Ֆրանսիայի նախագահի պաշտոնում 2007-2012 թվականներին պաշտոնավարած Նիկոլա Սարկոզին մայիսին կայանալիք ընտրություններին մասնակցելու համար պետք է նախ հաղթանակ տանի նոյեմբերի 20-ին և 27-ին կայանալիք փրայմերիզներին: