Hyundai ընկերությունը կարող է թողարկել RM16 N միջին շարժիչային կոնցեպտ-քարի սերիական տարբերակը, որը ներկայացվել է 2016թ. ամռանը: Այդ մասին անուղղակիորեն վկայում է այն, որ կորեական ապրանքանիշն սկսել է մեքենայի փորձարկումները Նյուրբուրգրինգի հայտնի մայրուղու վրա: Լրտեսական լուսանկարները հայտնվել են Motor1 պարբերականի տրամադրության տակ:
Ուժային տեղակայման մասին տեղեկատվություն դեռևս չկա: Ցուցահանդեսային նախատիպը հագեցվել էր 300 ձիաուժ հզորությամբ 2-լիտրանոց տուրբո շարժիչով և վեցաստիճան մեխանիկական փոխանցատուփով:
2016թ ամռանը, երբ Hyundai-ը ներկայացրեց RM16 N-ը, մեքենայի սերիական տարբերակի հեռանկարների մասին չէր հաղորդվում: Չի բացառվում, որ մեքենան նախապատրաստում են որևէ մրցարշավում մասնակցելու համար: