Հունվարի 6-ից շարունակվող ձյան առատ տեղումները կաթվածահար են արել Թուրքիան, մասնավորապես` Ստամբուլ քաղաքը, որտեղ ձյան շերտի հաստությունը հասնում է 80-ից 110 սմ-ի, գրում է Hurriyet Daily News-ը: Դադարեցված է երթևեկությունը, չեն գործում կրթօջախները և պետական որոշ հաստատություններ, ավելի քան 600 չվերթ է չեղարկվել: Եղանակային վատ պայմանների պատճառով փակ է նաև Բոսֆորի նեղուցը։ Օդերևութաբանների կանխատեսումներով` տեղումները կշարունակվեն մինչև հունվարի 11-ը: