2017թ. մայիսի 30-ին «Շիրակի ուսուցիչների միություն» գիտակրթական ՀԿ-ի կազմակերպած գիտական ընթերցումներին մասնակցեց նաև մեր դպրոցը: Արդեն այդ մասնակցությունը դարձել է ավանդույթ. երրորդ տարին անընդմեջ մեծ ոգևորությամբ իրենց մասնակցությունն են ապահովում մեր աշակերտները: Այս տարվա կազմակերպած միջոցառումը ուներ «100 հոդված 100 տարվա մասին» խորագիրը, որին մեր աշակերտներից 4-ը ներկայացան հետևյալ զեկուցումներով՝ «Հայ-թուրքական երկխոսությունը 2001-2017թթ» /Գայանե Մկրտչյան 9-րդ դասարան/, «Արևմտահայերի ազգային համագումարները և պահանջատիրությունը» /Մարիամ Խաչատրյան 9-րդ դասարան/, «Շիրակի արդի մամուլը» /Գալյա Խաչատրյան 10-րդ դասարան/, «Արցախահայերի համագումարները և հայոց պետականությունը» /Մետաքսյա Հեգնոյան 10-րդ դասարան/: Գիտաժողովի ընթացքում մեր աշակերտներն աչքի ընկան քննարկումներին ակտիվ մասնակցությամբ:

Վերջում փորձագետներն ամփոփեցին գիտական ընթերցումները և կատարվեց պարգևատրման արարողություն: Մեր դպրոցը պարգևատրվեց պատվոգրով, իսկ մասնակիցները՝ գրքերով: Նման միջոցառումները ուսանելի են և նպատակային: