Մեր դպրոցի տարեգրության մեջ մեկ լուսավոր էջ ևս ամփոփվեց: Այս տարվա 9-րդցիները հիմնական կրթության վկայականներն ստացան Մուղնիի «Սուրբ Գևորգ» եկեղեցում՝ քահանա Տեր Իշխանի ձեռամբ և օրհնությամբ: Հպարտությամբ պիտի նշել, որ աշակերտներից 4-ի վկայականները հատուկ նմուշի էին՝ Գերազանցության: Օրհնություն ստանալուց հետո աննկարագրելի վեհ զգացողությամբ ուղղորդվեցին դեպի Օշական՝ երդվելու Մեծ ՈՒսուցչին՝ բարձր պահել N45-ի վարկանիշը, հեղինակությունը և ստացած ազնիվ դաստիարակությամբ առաջնորդվել կյանքում: Մեր անկեղծ շնորհավորանքներն ու բարեմաղթանքները բոլորիդ, իմ սիրելի աշակերտներ: