Դպրասեր ժողովրդի շենշող տոներից մեկն է Սեպտեմբերի 1-ը՝ Գիտելիքի օրը:

Այս տոնին առանձնահատուկ է նախապատրաստվում ՀՀ ԿԳՆ «Գյումրու N45 միջնակարգ դպրոց» ՊՈԱԿ-ի մանկավարժական հանրույթը՝ համագործակցելով պատրաստակամ ծնողների հետ: Երկրի ամրությունը կայուն դպրոցն է: Գիտելիքն այն ուժն է, որով հարթվում է հաղթանակների ճանապարհը:

Դպրոցի ձեռքբերումների և նորանոր ծրագրերի մասին խոսեց դպրոցի տնօրեն

Ա. Վարդանյանը՝ առանձնացնելով ուսուցիչների, ծնողների, աշակերտների հաջողությունները:

2016-2017թթ «Տարվա լավագույն ուսուցիչ» է ճանաչվել Արմինե Մկոյանը, «Տարվա լավագույն դասվար» ՝ Գայանե Շանոյանը, «Տարվա լավագույն դասղեկ» ՝ Գոհար Սիմոնյանը, «Տարվա լավագույն ծնող» ՝ ըստ տարիքային խմբերի Լիլիթ Ասատրյանը և Էդիկ Թումոյանը:

Դպրոցի մանկավարժական հանրույթին, աշակերտներին, ծնողներին իր շնորհավորանքն էր բերել Շիրակի մարզպետարանի ընտանիքի, կանանց և երեխաների իրավունքների պաշտպանության բաժնի պետ Լիլիթ Գորգինյանը:

Դպրոցին շնորհավորելու էր եկել բարեկամ զորամասի նվագախումբը, որն արդեն դարձել է ավանդույթ դպրոցի համար:

Բարձր դասարանցիները առաջին զանգի ղողանջների ներքո 1-ին դասարանցիներին ուղեկցեցին դասարան: