Այսօր, ինչպես և խոստացել էի, աշխատանքային այցով Ողջաբերդ համայնքում էի: Այցի օրակարգում տարիներ շարունակ սողանքային գոտու բնակիչներին հուզող փոխհատուցում տալու հարցն էր: Ողջաբերդում խնդրի լուծման փաթեթով էի: Հանդիպեցի բնակիչներին և վերջիններիս հետ քննարկեցի սողանքային գոտու խնդիրը: Խնդրի լուծման ուղղությամբ արդեն իսկ գործուն քայլեր են իրականացվում: Այսպիսով, 1-ին փուլում վթարայնության ամենաբարձր վիճակում գտնվող 10 ընտանիքներ 2019 թվականի պետական բյուջեի պահուստային ֆոնդից փոխհատուցում կստանան: 2-րդ փուլում ռիսկային վիճակում գտնվող ևս 49 ընտանիքներ կփոխհատուցվեն. զուգահեռ կգնահատվի նրանց կարիքները և երրորդ փուլում կավարտենք ծրագիրը՝ ևս 47 ընտանիքների փոխհատուցման հեռանկարով: Առաջիկա 2-3 շաբաթվա ընթացքում մարզպետարանի քաղաքաշինության վարչության, Քաղաքաշինության Պետական Կոմիտեի, Արտակարգ Իրավիճակների նախարարության, Ողջաբերդի համայնքապետարանի ներկայացուցիչներից կձևավորվի աշխատանքային խումբ, և փորձագետների խումբը կսկսի աշխատել սողանքային գոտու բնակիչների կարիքները գնահատելու ուղղությամբ: Վստահեցնում եմ, որ խնդիրն այլևս կառավարության և Կոտայքի մարզպետարանի օրակարգում է: Ռոմանոս Պետրոսյան |