USD 402.56, EUR 440.64, RUB 4.58, GBP 505.01
+17 °C, +16 °C ... +27 °C Tomorrow:+26 °C
+17 °C, +16 °C ... +27 °C Tomorrow:+26 °C
«Այբ» ավագ դպրոցում բացվեց ռոբոտիկայի արդիական լաբորատորիա
15:51, 21.07.2013
4070 | 0
Հունիսի 26-ին «Այբ» ավագ դպրոցում կայացավ Ռոբոտիկայի լաբորատորիայի բացման հանդիսավոր արարողությունը։ Լաբորատորիայի բացմանը ներկա էին «Այբ» դպրոցի ղեկավարությունը, ՎիվաՍել-ՄՏՍ-ի գլխավոր տնօրեն Ռալֆ Յիրիկյանը, ռոբոտիկայի թիմը՝ ուսուցիչ Վազգեն Գաբրիելյանի գլխավորությամբ և ռոբոտիկա ուսումնասիրող աշակերտները։ Լաբորատորիան ստեղծվել է ՎիվաՍել-ՄՏՍ-ի հովանավորությամբ: Այդ նպատակով ընկերությունը հատկացրել է ավելի քան 14 միլիոն ՀՀ դրամ: Դպրոցի ռոբոտիկայի թիմը, ուսուցիչ Վազգեն Գաբրիելյանի գլխավորությամբ, հաջողությամբ մասնակցել է այս տարի Թրինիթի քոլեջում (Հարթֆորդ, ԱՄՆ) տեղի ունեցած «Հրշեջ ռոբոտ» մրցույթին: Թիմն արժանացել է հատուկ մրցանակի՝ լավագույն տեսական լուծման համար և ընդգրկվել թիմերի լավագույն ութնյակում: Մինչ այդ, «Այբ» -ի ռոբոտիկայի թիմը փայլուն հանդես է եկել «ԱրմՌոբոտիքս» -ի շրջանակներում անցկացված «Գծին հետևող ռոբոտ» մրցույթում՝ գրավելով առաջին և երկրորդ տեղերը։ Արդեն մի քանի տարի է, ինչ «Այբ» կրթական հիմնադրամը Երևանի և մարզերի դպրոցներում նախագծում և հիմնում է արդիական ուսումնական լաբորատորիաներ՝ «ԱյբԼաբ» -եր: Ֆիզիկայի և քիմիայի առաջին «ԱյբԼաբ» -երը 2007-ին գործարկվել են Երևանի ֆիզմաթ դպրոցում: Ապա բացվեց ինֆորմատիկայի «ԱյբԼաբ» -ը Բերդ քաղաքում, էկոլոգիայի երկու՝ տարածաշրջանում նմանը չունեցող «ԱյբԼաբ» -եր Քաջարանի երկու դպրոցներում, ապա ֆիզիկայի, քիմիայի և կենսաբանության «ԱյբԼաբ» -եր Վաղարշապատի դպրոցում: Ընթացքի մեջ են նոր «ԱյբԼաբ» -երի նախագծումն ու շահագործումը մայրաքաղաքի և մարզերի դպրոցներում: |
Author: Նարինե Մինասյան
The article published in the Spokesperson project.
Share with friends
Նարինե Մինասյան
22:46, 02.04.2014
3875 | 0
All the posts published in "Spokesperson" are subject to free publishing and are regulated by the registration contract.
Copying posts from other websites is permitted only in the case when it does not contradict with conditions of usage of the source.
The website is not responsible for the content of advertisements.