USD 402.56, EUR 440.64, RUB 4.58, GBP 505.01
+24 °C, +15 °C ... +27 °C Tomorrow:+27 °C
+24 °C, +15 °C ... +27 °C Tomorrow:+27 °C
ՍԴ-ն հակասահմանադրական է ճանաչել կուտակային կենսաթոշակների օրենքի վիճահարույց դրույթները
22:46, 02.04.2014
3875 | 0
«Կուտակային կենսաթոշակների մասին» օրենքում ամրագրված պարտադիր բաղադրիչը Հայաստանի Սահմանադրությանը հակասող է ճանաչվել, ՍԴ-ի որոշումն այսպես մեկնաբանել են Ազգային ժողովի 36 պատգամավորների ներկայացուցիչները։ Նրանց խոսքով՝ մինչ այս պահը գանձված գումարները պետք է վերադարձվեն աշխատողներին։ «Հետևաբար պարտադիր բաղադրիչը չի կարող գործադրվել այս որոշման հրապարակման պահից», - ասել է ՍԴ-ում հայցը ներկայացնողներից Արծվիկ Մինասյանը։ Հիշեցում, «Կուտակային կենսաթոշակների մասին օրենքում» պարտադիր բաղադրիչը Սահմանադրությանը հակասող և անվավեր ճանաչելու հայցով անցած տարեվերջին Սահմանադրական դատարան էն դիմել Ազգային ժողովի չորս ոչ իշխանական խմբակցությունների՝ «Բարգավաճ Հայաստան» -ի, Հայ ազգային կոնգրեսի, ՀՅ Դաշնակցության և «Ժառանգության» պատգամավորները: ՍԴ-ն այսօր կայացրած որոշմամբ օրենքի մի շարք դրույթներ Սահմանադրությանը հակասող և անվավեր է ճանաչել։ Նրանց ներկայացուցիչներն այսօր արձանագրել են՝ իրենց պահանջը կատարվել է ամբողջությամբ։ Պատասխանող կողմի՝ Ազգային ժողովի ներկայացուցիչ, հանրապետական Հակոբ Հակոբյանը ՍԴ-ի որոշումը չշտապեց մեկնաբանել, մասնավորաբար, զերծ մնաց կիսել հունվարից հետո գանձված գումարները աշխատողներին ետ վերադարձնելու՝ դիմողների համոզմունքը։ «Ես նման բան չեմ կարող ասել, դատարանի որոշումը փաստեց, որ մեր մշակած և ընդունած օրենքի դրույթները չեն համապատասխանում Սահմանադրությանը։ Ուզում եք՝ 30 անգամ ասեմ...», - ասել է Հակոբյանը։ Արձագանքելով ՍԴ-ի 64 էջանոց որոշմանը՝ կառավարությունը առանձնացրել է ընդամենը երկու դրույթ. առաջին՝ կենսաթոշակային կուտակային համակարգի ներդրումը բարձրացնում է երկրի կայունությունը, ժողովրդի բարեկեցությունը, և երկրորդ՝ օրենքում կան թերություններ, որոնք պետք է շտկել մինչև սեպտեմբերի 30-ը։ Կառավարության պաշտոնական հաղորդագրությունում նշվում է նաև, որ գործադիրը հետագա գործողությունների ծրագիրը կընդունի Սահմանադրական դատարանի որոշումը ստանալուց և ուսումնասիրելուց հետո: «Ժամ առաջ ներկայացնենք ճշմարտությունը, որպեսզի կառավարությունն ու իշխանության որոշ ներկայացուցիչներ իրենց հարմար ձևով ՍԴ-ի որոշումը չմեկնաբանեն, ասուլիսում նշեցել դիմող կողմի ներկայացուցիչները»: «Պետք է տեր կանգնել իրավունքներին և թույլ չտալ, որպեսզի գործատուները հաշվարկեն և փոխանցումներ կատարեն առանց նրանց համաձայնության։ Այսինքն յուրաքանչյուր աշխատող լիիրավ է ՍԴ-ի որոշման հրապարակումից հետո այն վերցնել իր ձեռքը՝ որպես զենք, և օգտագործի այն», - ասել է պատասխանողի ներկայացուցիչ, իրավաբան Մերի Խաչատրյանը։ |
Author: Նարինե Մինասյան
The article published in the Spokesperson project.
Share with friends
Նարինե Մինասյան
22:46, 02.04.2014
3876 | 0
All the posts published in "Spokesperson" are subject to free publishing and are regulated by the registration contract.
Copying posts from other websites is permitted only in the case when it does not contradict with conditions of usage of the source.
The website is not responsible for the content of advertisements.