Ապրիլի 12-ին "Թուրքերը սարսափում են WESTERN ARMENIAN հապավումից" վերնագրով նյութ էինք տեղադրել, որտեղ ասվում էր, որ հիշյալ ֆեյսբուքյան կայքը հավանաբար թուրքական քարոզչամեքենան սպասարկող անվտանգության մարմինների, կամ էլ թուրք ազգայնամոլ հակերների կողմից յուրացվել էր: Հավատարիմ լինելով ջարդի քաղաքականությանն ու արյունարբու գիշատիչ գազանին բնորոշ բնազդներին ջարդել էին հիշյալ կայքէջը' այնտեղ տեղադրելով Էրդողանի ու Աթաթուրքի մեծադիր լուսանկարները, ծաղրել, անարգել էին ցեղասպանության տեսարաններով պատկերված լուսանկարները: Խորհուրդ էինք տվել այս գործողության դեմ բողոքել Ֆեյսբուքին' բացատրելով կարգը: Այս 3 օրվա ընթացքում մենք ևս օրվա մեջ բազմաթիվ բողոքներ էինք հղել ֆեջսբուքի ադմինիստրացիային: |