Շաքարային դիաբետն իր տարածվածությամբ համարվում է դարի հիվանդություն` ախտահարելով բնակչության գրեթե բոլոր տարիքային խմբերը: Հիվանդությունը զարգանում է, երբ ենթաստամոքսային գեղձը բավարար քանակությամբ ինսուլին չի արտադրում (ՇԴտիպ 1) կամ օրգանիզմը չի կարողանում արդյունավետ օգտագործել արտազատված ինսուլինը (ՇԴ տիպ 2): Ինսուլինն արյան մեջ գլուկոզայի քանակը կարգավորող հորմոն է, որը ապահովում է էներգետիկ փոխանակության գործընթացն օրգանիզմում: Հատկապես վերջին 28 տարիների ընթացքում շաքարային դիաբետով հիվանդների թիվը ՀՀ -ում գրեթե կրկնապատկվել է: «Առողջության բանաձև» հաղորդաշարի շրջանակում որոշեցինք անրադարձ կատարել, պարզելու թէ ինչ է իրենից ներկայացնում ինուլինը, ինչ դրական հատկություններ ունի և ինչ ազդեցություն ունի օրգանիզմի կենսագործունեության վրա:

Ինուլինը սննդային հավելում է: Այն նպաստում է մարդու օրգանիզմում գտնվող իմունային բջիջների, ֆերմենտների ակտիվացմանը, վերջիններս էլ պայքարում են արյան մեջ ներթափանցող հիվանդածին բակտերիաների և վիրուսների դեմ: Ինուլինը դասվում է դիետիկ սննդային հավելումների խմբին և հենց այդ հատկության շնորհիվ է, որ բժշկության մեջ այն օգտագործվում է որպես նախաբիոտիկ: Այսօր Հայաստանում փրկարար սահմանափակ պատասխանատվությամբ ընկերության կողմից Rally Sunroot Ռալլի սանռուտ ապրանքանիշի ներքո արտադրվում է գետնախնձորից պատրաստված 100 % բնական ինուլին: Մեր հայրենական արտադրության ինուլինը իր որակական և բուժական հատկությունների շնորհիվ մրցունակ է ամբողջ աշխարհում: