ՀՀ վարչապետի՝ 2019 թվականի հունիսի 6-ի N 712-Ա որոշման համաձայն, հունիսի 19-ից մեկնարկել է «Դպրոցականների ամառային հանգստի կազմակերպում ծրագիրը»: Այն կիրականացվի Կոտայքի մարզի 6 ճամբարներում 3 հերթափոխով՝ «Հասմիկ ճամբար» ՍՊԸ, «Լուսաբաց ճամբար» ՍՊԸ, «Արագած ճամբար» ՍՊԸ, «Հեքիաթների կիրճ» ՍՊԸ, «Հանքավանի Խոտոր ջուր առողջարան» ՍՊԸ /Հանքավան/ և «ԼԱՎԱ Աղբյուր» ՍՊԸ /Ծաղկաձոր/: Առաջին հերթափոխով ճամբար են մեկնել հանրապետության 7-13 տարեկան 1560 դպրոցահասակ երեխաներ: Կոտայքի մարզից 90 երեխաներ այսօր մեկնել են «Հեքիաթների կիրճ» ճամբար: Կոտայքի մարզպետի համապատասխան որոշմամբ, Մեղրաձոր համայնքի Արտավազ բնակավայրում կգործի միջճամբարային մեկուսարան համապատասխան բժշկական անձնակազմով՝ հանգստացող երեխաների բժշկական օգնությունն ու սպասարկումը պատշաճ մակարդակով իրականացնելու նպատակով: |