Գոռում էք գոչում, թուրքին հայհոյում,
Եղեռն էք յիշում, ցաւով արտասւում,
Հայրենիք ասում, ճառեր կարդում,
Խրոխտ երգերով վերադարձ երգում:

Տօնը աւարտուեց, խաղը վերջացաւ,
Դերասանի նման դիմակը հանած,
Անցնում էք նորից ձեր ճիշտ բնոյթին,
Պղծում, անարգում երկիրը ձեր հին:

Ուրանում էք անգամ ձեր իսկ խօսքերին,
Էլ ինչպէ՞ս յիշէք ձեր իսկ պապերին,
Հերոսի մօրը թշուառութեան մատնում,
Օտարով գերուած պաշտամունք անում:

Դասական թուրքեր էք չարութեամբ լցուած,
Դասական կերպով Եղեռնն էք կրկնում,
Դասական շներ էք շղթայով կապված,
Դասական Բելը ներսից է յաղթում:

Վարդան Հովէեան