Քայլո՜ւմ եմ դեպի քե՜զ

Ու չե՜մ հասկանում,

Թե սիրո՜ւմ եմ քեզ -

Ի՞նչու է ճամփաս այսքա՜ն երկարում,

Թե ցո՜ւրտ է ներսում -

Ի՞նչու չեմ մրսում,

Թե թևե՜ր չունեմ -

Այս ո՞նց եմ թռչում,

Երբ ձա՜յնդ եմ լսում -

Ի՞նչու եմ խառնում Աստծո՜ ձայնի հետ,

Թե մոտենո՜ւմ եմ քեզ -

Ի՞նչու է թվո՜ւմ, թե գնում եմ ե՜տ…

Ուզում եմ փոքրի՜կ մի բան պատմել քեզ,

Թե ի՞նչ խոսեցի քո հրեշտակի հետ,

Չէ՜, ավելի լա՜վ է էլ չերկարացնե՜մ՝

Քայլե՜մ դեպի քեզ,

Դանդա՜ղ ու մոլոր ա՜յն ճանապարհով

Որ ո՛չ թե մոտեցնում

Ա՜յլ հեռացնում է քեզ –

Դառնում է երկա՜ր,

Դժվա՜ր ճանապարհ-

Քանզի լա՜վ գիտեմ՝

Բոլո՜ր «վերջ» - երը

Նմա՜ն են իրար: