МАМУЛ.ам
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+26 °C, +17 °C ... +29 °C Завтра+30 °C
ԱՀԱԲԵԿԻՉԸ
12:00, 09.09.2020
3945 | 0

Այդ պահից շատ չանցած՝ շտապօգնության ավտոմեքենաները սլանում էին միացրած փարոսիկներով, ոստիկանությունը շրջապատել էր համալսարանը, իսկ Արտակարգ իրավիճակների նախարարությունում հեռախոսազանգերը չէին դադարում:
Նույն պահին իրենց հարմարավետ բնում հայր մուկն սկսեց նախատել նորելուկ ձագին.
– Ասա, թե ի՛նչ ես արել:
– Ոչինչ, – խեղճ-խեղճ ծվաց պստլիկ մուկը:
– Ոչինչ չի արել, բայց բոլորն իրար են անցել, շենքում տագնապ է, – հոր նախատինքը շարունակեց մայրը:
– Հա՛, իսկապես ոչինչ չեմ արել, – վախից դողալով՝ խոսեց մկնիկը: – Ես միայն...
– Ի՞նչ, – hայացքը ձագի վրա սևեռեց հայրը:
– Բնից հանեցի քթիս ծայրը ու մի աչքով նայեցի դուրս։
– Անպիտա՛ն, – բարկացավ մայրը:
– Ու դեռ ասում է՝ ոչինչ չեմ արել, – մռթմռթաց հայր մուկը: – Այդքան ասում ենք՝ դասերի ժամանակ ո՛չ մի ավելորդ շարժում, ո՛չ մի աղմուկ:
– Իսկ դու…, – ազդու հայացքով կրկին ձագին նայեց մայրը:
– Ինչ է, դրսում ֆուտբոլի առաջնությո՞ւն էր, թե՞ շվեյցարական պանրի հերթ, որ չդիմացար, – կրկին հանդիմանեց հայր մուկը:
– Չգիտեմ, – հազիվ կմկմաց մկնիկը: – Ինչ-որ մեկն ասում էր, թե իրենք հիմա ավելի մեծ թափով են տիեզերքը նվաճում: Ասում էր Նյուտոն, Էյնշտեյն, Մարս, ատոմային ռումբ… Նկարներ էր ցույց տալիս: Ուզեցի տեսնել:
– Գիտունիկ, – hեգնեց մայրը:
Մկնիկն իսկապես չէր խաբում: Բնից հանել էր միայն քթի ծայրը, հազիվ նկատելի անցքում փայլել էր նրա աչքը, որից հետո կատարվել էր այն, ինչի մասին իմացանք: Իսկ առավել մանրամասն պատմում էին ուսանողները.
– Մեկ էլ հանկարծ…
– Վառվեց…
– Վազեց…
– Ճչացին…
– Դոփեցին…
– Ընկան…
– Տարան…
– Գոռոց…
– Շփոթ…
Իսկ հետո… Շտապօգնության ավտոմեքենաները սլացան դեպքի վայր: Ոստիկանությունը շրջապատեց համալսարանը: Շենքում հայտարարվեց արտակարգ դրություն։
– Ու դեռ ասում է՝ ոչինչ չեմ արել, – այս ու այն կողմ քայլելով՝ նորից կրկնեց հայր մուկը:
– Վե՛րջ: Այստեղ մնալ չենք կարող: Հիմա ամեն տեղ թակարդ կդնեն: Անուշ-անուշ թույն կտան, – եզրակացրեց մայրը:
– Ճար չկա. պիտի տեղափոխվենք, արտագաղթենք, – շարունակեց հայրը:
– Ու էլ ո՛չ դասախոսություններ կլսենք Նյուտոնի ու Էյնշտեյնի մասին, ո՛չ էլ կիմանանք՝ Մարսի վրա մկներ եղե՞լ են, թե՞ ոչ, – եզրափակեց մայր մուկը՝ նայելով խեղճ-խեղճ կանգնած ձագուկին, որ առանձնապես չէր էլ հասկանում, թե ինչ է կատարվել…

Статья опубликована в проекте Пресс-секретарь.
Поделись с близкими
Գուրգեն Միքայելյան
18:43, 20.01.2024
541 | 0
14:25, 02.09.2023
969 | 0
21:23, 22.05.2021
1684 | 0
20:35, 17.05.2021
2470 | 0
21:12, 14.05.2021
1755 | 0
17:35, 03.04.2021
1932 | 0
20:55, 08.02.2021
7410 | 0
20:54, 08.02.2021
6780 | 0
наверх