Նիդերլանդներում Բաքուն հիշում են, երբ այստեղ միջոցառում է կազմակերպվում
NOS հեռուստաալիքը քննադատել է Բաքվին Նիդերլանդական կենտրոնական NOS հեռուստաալիքը Բաքվում անցկացվելիք Եվրոպական խաղերի հետ կապված հաղորդում է հեռարձակել, որում խստորեն քննադատել է Ադրբեջանի իշխող ընտանիքին: Ինչպես հաղորդում է «Արմենպրես» -ը, 27 րոպեանոց հաղորդման մեջ հեռուստաալիքը պատմել է Ադրբեջանում մարդու իրավունքների կոպիտ խախտումների, իրավապաշտպանների, լրագրողների և քաղաքական հասարակական ակտիվիստների ձերբակալությունների ու նրանց նկատմամբ բռնաճնշումների մասին: Հեռուստաալիքն ընդգծել է, որ այդ բոլոր բռնաճնշումները կառավարվում են իշխող ընտանիքի կողմից: Հաղորդումն անդրադարձել է ներկայում ձերբակալված իրավապաշտպաններ Լեյլա և Արիֆ Յունուս ամուսիններին, լրագրող Խադիջա Իսմայիլովային, և ընդդիմության դեմ ադրբեջանական իշխանությունների կողմից գործադրվող բռնություններին: NOS-ը հարցազրույց է վերցրել Լ. և Ա.Յունուսների դուստր Դինարա Յունուսից, ով քննադատել է Ադրբեջանի կառավարությանը: |