mamul.am
Загрузка...
Ամբողջական տարբերակ
USD 480.94, EUR 585.83, RUB 8.48, GBP 660.52 Մանրամասն
+25 °C, +18 °C ... +30 °C Վաղը`+31 °C
Hay / Հայ | Рус | Eng | Tür
Ազատ է արձակվել «Սասնա ծռեր»-ի անդամ Արթուր Սողոմոնյանը (տեսանյութ)
16:25, 14.06.2018

Քիչ առաջ «Սասնա ծռեր»-ի գործով դատավոր Արտուշ Գաբրիելյանը որոշեց կալանքից ազատել խմբի անդամ Արթուր Սողոմոնյանին:

Նրա պաշտպաններ Մուշեղ Շուշանյանը և Անուշ Մխիթարյանը դատարանին միջնորդել էին վերացնել կամ փոխել խափանման միջոց կալանքը և այն փոխարինել ստորագրությամբ։

Անդրադառնալով Արթուր Սողոմոնյանի առողջական վիճակին, պաշտպան Շուշանյանը դատարանին տեղեկացրել էր, որ 2017 թվականի մարտից մինչև սույն թվականի փետրվար ամիսն իր պաշտպանյալը գտնվել է Դատապարտյալների հիվանդանոցում։

Նա նաև միջնորդել էր գրավ չկիրառել, քանի որ Արթուր Սողոմոնյանը վճարելու հնարավորություն չունի և տան միակ աշխատուժն է:

Հիշեցնենք, որ այսօր Արտուշ Գաբրիելյանի որոշմամբ, ազատ արձակվեց նաև «Սասնա ծռերի անդամ», ՀՀ ոստիկանության պարեկապահակային ծառայության գնդի գրավման գործով ամբաստանյալ Արթուր Մելքոնյանը:

Տեղեկացրե՛ք Ձեր մտերիմներին
| |
Загрузка...
դեպի վեր


loading...