Իսրայելական խոշոր «Israel Hayom» պարբերականը պնդում է, որ ռուս գործարար Ռոման Աբրամովիչը տեղափոխվել է Իսրայել, որպեսզի «ավարտին հասցնի ներգաղթի գործընթացը», փոխանցում է РИА Новости-ն: «Ռոման Աբրամովիչը՝ ծնունդով Ռուսաստանից հրեա միլիարդատերը, «Չելսի» ֆուտբոլային ակումբի սեփականատերը, կժամանի Իսրայել, և, հավանաբար, ավարտին կհասցնի ներգաղթի գործընթացը»,- ասվում է հրապարակման մեջ: Պարբերականը նաև հայտնում է, որ Աբրամովիչը տուն է կառուցում Թել Ավիվում, Նեվե Ցեդեկ շրջանում: Ավելի վաղ Լոնդոնը պայման էր առաջադրել միլիարդատեր Ռոման Աբրամովիչին՝ կապված բրիտանական վիզայի ստացման հետ: |