Ամերիկյան Billboard ամսագիրը հրապարակել է ԱՄՆ-ում ամենաշատ վաստակող երաժիշտների վարկանիշային աղյուսակը

Առաջին հորիզոնականը զբաղեցրել է իռլանդական U2 ռոք խումբը, որը 2017թ. վաստակել է 54.4 միլիոն դոլար: Այդ գումարի մեծ մասը երաժիշտներն ստացել են Joshua Tree Tour շրջանակներում շրջագայության համերգներից:

Երկրորդ տեղում է քանթրի ոճի երգչուհի Գարթ Բրուքսը, ով 52.2 միլիոն դոլար է վաստակել:

Առաջատարների եռյակը եզրափակում է Metallica խումբը՝ 43.2 միլիոն դոլարով:

Տասնյակում են նաև Բրունո Մարսը (40.7 միլիոն դոլար), Էդ Շիրանը (31.3 միլիոն դոլար), Լեդի Գագան (29.7 միլիոն դոլար), Բիլլի Ջոելը (29.2 միլիոն դոլար), Guns N 'Roses-ը (27,8 միլիոն դոլար), Pink Floyd խմբի նախկին անդամ Ռոջեր Ուոթերսը (27,2 միլիոն դոլար) և Coldplay-ը (26,5 միլիոն դոլար):