ԱՄՆ-ում «Ֆլորենս» փոթորկի հետևանքով զոհերի թիվը հասել է 43-ի: Այս մասին հաղորդում է Associated Press-ը:

Ներկայում 56 հազար տուն և տարբեր ընկերությունների շենքեր մնում են առանց էլեկտրականության:

ԱՄՆ-ի արևելյան ափը հզոր փոթորկի ազդեցության տակ էր հայտնվել մեկ շաբաթ առաջ: Փոթորկից ամենից շատ տուժել են Հարավային և Հյուսիսային Կառոլինա նահանգները: Վերջին տեղեկությունների համաձայն՝ այնտեղ զոհվել է 32 մարդ:

Moody's վերլուծական գործակալության գնահատմամբ՝ փոթորկի վնասը կազմել է 38-50 միլիարդ դոլար: