Երևանի քաղաքապետի «Օրինաց երկիր» կուսակցության թեկնածու Մհեր Շահգելդյանը քվեարկելուց հետո լրագրողների հետ զրույցում ասաց, որ իրականացվում են ընտրություններ, որոնք պետք է անցնեն առանց կեղծիքների ու ընտրակաշառքի. «Մեր այն քաղաքացիները, որոնք նախկինում գայթակղվել, կաշառք են վերցրել, այսօր ցանկություն ունեն նորմալ, օբյեկտիվ, արդար, մաքուր ընտրությունների»: Նրա խոսքով՝ այս ընտրությունները հեղափոխությունից հետո առաջինն են ու կարևոր են ՀՀ ապագա քաղաքական համակարգի ձևավորման, իրական ժողովրդավարության կայացման տեսանկյունից: