Facebook ընկերությունն արգելել է սոցցանցի հարթակում տարածել գովազդային հոլովակը՝ հաջակցություն 2020թ. նախագահական ընտրություններում Դոնալդ Թրամփի վերընտրմանը, հաղորդում է CNBC-ն: «Այդ գովազդը խախտում է Facebook-ի գովազդային քաղաքականությունը»,- հեռուստաալիքը մեջբերում է ընկերության պաշտոնական ներկայացուցչի խոսքը: «Չնայած տեսանյութն ինքնին կարելի է տեղադրել սոցցանցում, սակայն այն չի տարածվի գումարի դիմաց»,- հավելել է ներկայացուցիչը: Facebook-ի ներկայացուցչի խոսքով՝ գովազդը չպետք է պարունակի շոկային, սենսացիոն, անհարգալից և չափազանց բռնի բնույթ: NBC և Fox News հեռուստաալիքները ևս հրաժարվել են ցուցադրել Թրամփի գովազդային հոլովակը: Ավելի վաղ CNN հեռուստաալիքը Թրամփին «ռասիստ խոզ» է անվանել: |