Մինսկում, Անկախության պալատում ընթանում են Բելառուսի նախագահ Ալեքսանդր Լուկաշենկոյի և Ադրբեջանի նախագահ Իլհամ Ալիևի բանակցությունները, հաղորդում է Белта-ն:

Նշվում է, որ պաշտոնական բանակցությունները կանցկացվեն «տետ-ա-տետ» և ընդլայնված կազմով՝ պատվիրակությունների անդամների մասնակցությամբ:

Հանդիպման արդյունքներով մի շարք միջազգային փաստաթղթեր կստորագրվեն:

Բելառուսի նախագահի մամուլի ծառայության հաղորդմամբ՝ երկու երկրների ղեկավարները մանրամասն կքննարկեն Բելառուսի և Ադրբեջանի միջև հարաբերությունների զարգացման հեռանկարները, կարծիքներ կփոխանակեն միջազգային կարևոր խնդիրների շուրջ, ինչպես նաև ուշադրություն կհատկացնեն առևտրատնտեսական և ներդրումային համագործակցությանն ու համատեղ ծրագրերի իրականացմանը: