Եվրասիական տնտեսական հանձնաժողովը (ԵՏՀ) մշակում է Եվրասիական տնտեսական միությունում (ԵԱՏՄ) միասնական վճարային համակարգ ստեղծելու գաղափարը: Այս մասին, РИА Новости-ի հաղորդմամբ, ասել է ԵՏՀ կոլեգիայի նախագահ Տիգրան Սարգսյանը: «Քննարկվում է միասնական վճարային համակարգի ձևավորումն ու փոխադարձ վճարումների իրականացումը»,- լրագրողների հետ զրույցում ասել է Տ. Սարգսյանը երեկ Սանկտ Պետերբուրգում տեղի ունեցած ԵԱՏՄ բարձրագույն խորհրդի նիստից հետո: Նա նշել է, որ այժմ գաղափարի շուրջ աշխատում են ԵԱՏՄ անդամ երկրների կենտրոնական բանկերը, որից հետո վերջնական տարբերակը, հնարավոր է, որ քննարկվի միջկառավարական խորհրդի հաջորդ նիստերից մեկի ընթացքում: |