Եվրոպայում ձյան առատ տեղումների հետևանքով 14 մարդ է զոհվել: Ամենից բարդ վիճակ է ստեղծվել Ավստրիայում, որոշ շրջաններում էլեկտրաէներգիայի հետ կապված խնդիրներ են առաջացել:

Independent-ի հաղորդմամբ՝ Հունաստանում ջերմաստիճանը հասել է ռեկորդային՝ -23 աստիճանի, կաթվածահար է եղել ճանապարհային և երկաթուղային երթևեկությունը:

Օդերևութաբանները նախազգուշացնում են, որ վիճակը առավել կվատթարանա:

Արդեն մի քանի օր է՝ Եվրոպայում չեն դադարում ձյան առատ տեղումները: Փրկարարները մարդկանց հորդորել են մնալ տանը, չբարձրանալ լեռներն ու մեքենա չվարել: