Թուրքիայի ԱԳՆ-ն անդրադարձել է ապրիլի 24-ը Հայոց ցեղասպանության հիշատակի օր հռչակելու վերաբերյալ Ֆրանսիայի նախագահ Էմանուել Մակրոնի որոշմանը: Ավելի վաղ այն մեկնաբանել էր Թուրքիայի նախագահի խոսնակը: «Ֆրանսիացի քաղաքական գործիչները, ովքեր չգիտեն Ֆրանսիայի պատմությունը, որը մեզ հայտնի է վայրագություններով, իրավունք չունեն մեզ դաս տալ: Անկարան բազմից հասկացրել է ֆրանսիացի պաշտոնական անձանց, որ 1915-ի իրադարձությունները պետք է քննարկվեն՝ հաշվի առնելով իրավական, պատմական և գիտական փաստերը»,- ասել է Թուրքիայի ԱԳՆ պաշտոնական ներկայացուցիչ Համի Աքսոյը: |