ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը, խոսելով Մարտի 1-ի գործի մասին, լրագրողների հետ զրույցի ժամանակ ասել է. «Պետք է ուրախանանք մի բանից` նախկինում կար կոծկելու քաղաքական պատվեր, այսօր Մարտի 1-ի գործով կա ամբողջական բացահայտման քաղաքական պատվեր: Պատվեր բառը լավ չի հնչում, բայց սա բացառիկ հնարավորություն է, որ մեր իրավապահ համակարգն այն տարիների ընթացքում, որ իրեն օգտագործել են անօրինական գործողությունների շրջանակում և այնտեղ փչացրել են շատ-շատ պատասխանատու պաշտոնյաների, այդ խնդիրը հիմա պետք է լուծվի: Ոստիկանության, Ազգային անվտանգության ծառայողները, որոնք նաև Մարտի 1-ի ինչ-ինչ գործողությունների մասնակցել, նրանք լիարժեք շարունակեն իրենց ծառայությունը, իսկ հիմնականում պատասխանատվության ենթարկվեն այն անձինք, որոնց քաղաքական որոշումը բերեց Մարտի 1-ին»: