Ուկրաինայի գործող նախագահ Պետրո Պորոշենկոն, գլխավոր դատախազությունում ունեցած հարցաքննությունից հետո ասել է, որ իր պատասխանները կօգնեն Մայդանի գործով հետաքննությունն ավարտին հասցնելուն, այս մասին գրում է Интерфакс-ը:

«Այսօր ևս մեկ անգամ ցուցմունք եմ տվել դատախազին՝ Արժանապատվության հեղափոխության մասնակիցների դեմ հանցագործությունների գործով հետաքննության շրջանակում: Հուսով եմ, որ լրացուցիչ հարցերին իմ տված պատասխանները կնպաստեն հետաքննության ավարտին: Այս գործը չափազանց կարևոր է ուկրաինական հասարակության համար»,- հինգշաբթի երեկոյան գրել է Պորոշենկոն՝ Facebook-ում:

Նա նշել է, որ այդ գործով բոլոր մեղավորները պետք է պատասխանատվության ենթարկվեն:

Պորոշենկոյին Մայդանի գործով նաև հարցաքննել են Պետական քաղաքական վարչության քննիչները: Ավելի վաղ՝ մայիսի 7-ի, Պորոշենկոն Եվրոմայդանի գործով չէր գնացել հարցաքննության: Այդ ժամանակ նա մասնակցում էր Ուկրաինայի Գերագույն դատարանի դատավորների երդմնակալության արարողությանը: