«Քաղաքացիական պայմանագիր» կուսակցությունը համաժողով է անցկացնում, որի ընթացքում ընտրվելու է կուսակցության վարչության նոր կազմ: Առաջադրված է 51 թեկնածու, որից առավել ձայն հավաքած 21-ը փակ վարկանիշային քվեարկությամբ կհամարվեն ընտրված: Վարչության անդամների ընտրությունից հետո նիստ կգումարվի և կորոշվի վարչության նախագահն ու փոխնախագահը, որոնց համաժողովը կհաստատի: Համագումարին մասնակցում է նաեւ ՀՀ վարչապետ, ՔՊ անդամ Նիկոլ Փաշինյանը։ Նշենք, որ նախատեսված է նաև վերահսկող հանձնաժողովի նոր կազմի ընտրություն։ Հանձնաժողովի 7 տեղերի համար առաջադրվել է 30 թեկնածու։ |