Փարիզում կայանալիք 2024 թվականի ամառային oլիմպիական խաղերի ծրագրում նախնական ընդգրկվել են 4 նոր մարզաձևեր՝ բրեյք-դանս, սքեյթբորդինգ, սպորտային ժայռամագլցում և սերֆինգ:

Նման որոշում է ընդունվել Միջազգային օլիմպիական կոմիտեի (ՄՕԿ)՝ Լոզանում անցկացված նստաշրջանի ընթացքում:

«Այդ մարզաձևերը լիովին համապատասխանում են օլիմպիական ծրագրի զարգացմանը և թույլ կտան պահպանել կապը երիտասարդ սերնդի հետ»,- ասել է ՄՕԿ-ի նախագահ Թոմաս Բախը:

ՄՕԿ-ը Փարիզ-2024 օլիմպիական խաղերի մարզաձևերի վերջնական ցանկի վերաբերյալ որոշում կկայացնի 2020 թվականի վերջին։