Երևանի Վազգեն Սարգսյանի անվան «Հանրապետական» մարզադաշտում ավարտվեց Եվրոպայի լիգայի փլեյ-օֆֆ փուլի առաջին հանդիպումը՝ Երևանի «Արարատ-Արմենիա»-ի և Լյուքսեմբուրգի «Դյուդելանժ» ակումբների միջև։ Մեր թիմը հաղթանակ տոնեց՝ 2։1 հաշվով։ Հանդիպման 22-րդ րոպեին խաղի հաշիվը բացեց «Արարատ-Արմենիա»-ն։ Գոլի հեղինակ դարձավ Մաիլսոն Լիմա Դուարտեն։ Հանդիպման 68-րդ րոպեին մրցակցի կազմում գոլի հեղինակ դարձավ Մարիո Պոկարը՝ հավասարեցնելով հաշիվը։ «Արարատ-Արմենիա»-ի կազմում հաղթական գոլի հեղինակ դարձավ Իլյա Անտոնովը՝ հանդիպման 90-րդ րոպեին: Նշենք, որ թիմերի պատասխան հանդիպումը կկայանա օգոստոսի 29-ին՝ Լյուքսեմբուրգում: |