Առնվազն 80 կալանավոր է սպանվել յեմենյան բանտում, որը ռմբակոծել է արաբական կոալիցիան՝ Սաուդյան Արաբիայի գլխավորությամբ: Բանտը գտնվում է Դամար նահանգում: Տեղի իշխանությունները մտավախություն ունեն, որ զոհերի թիվը կարող է աճել, քանի որ ևս 20 մարդ համարվում է անհետ կորած: Փլատակների տակ դեռ կան մարդիկ: Նշենք, ռազմական կոնֆլիկտը հուսիթների ու Յեմենի կառավարության միջև շարունակվում է 2014 թվականից: 2015 թվականից կառավարությանն աջակցում է ԱՄՆ-ն, Սաուդյան Արաբիան, Իսրայելը: Ավելի վաղ հայտնի էր դարձել, որ ՄԱԿ-ը դադարեցնում է մարդասիրական օգնության մատակարարումը հուսիթների հետ տարաձայնությունների պատճառով: |