SpaceX ընկերության հիմնադիր Իլոն Մասքը ցուցադրել է նոր տիեզերանավ Spaceship-ը և հայտարարել, որ այն ուղեծիր կարող է ուղարկվել առաջիկա 6 ամիսների ընթացքում: «Դա անհավատալի է, բայց ես կարծում եմ՝ մենք ուզում ենք ուղեծիր հասնել 6 ամսից»,- ասել է նա: Ըստ նրա՝ բազմակի օգտագործման աստղագնացը կարող է մարդիկ տեղափոխել Լուսին ու Մարս: «Աստղագնացը կարող է տեղ հասցնել նաև բավարար քանակությամբ ուտելիք ու մարդ՝ լուսնային բազա և մարսյան քաղաքներ հիմնելու համար»,- ասվում է SpaceX-ի ինստագրամյան գրառման մեջ: SpaceX-ը ներկայացրել է դեպի Լուսին ու Մարս ուղևորափոխադրումներ իրականացնող աստղագնացը SpaceX-ը ներկայացրել է դեպի Լուսին ու Մարս ուղևորափոխադրումներ իրականացնող աստղագնացը Գյուտարարը վստահեցնում է, որ տիեզերական թռիչքները շատ մոտ ապագայում կդառնան նույնքան հասանելի, որքան ավիաթռիչքները: Դեպի Մարս ուղևորությունը կարժենա 500 հազար դոլար, հետագայում այդ արժեքը կնվազի՝ հասնելով 100 հազարի: Հետադարձ տոմսը կլինի անվճար: Մասքը մտադիր է Լուսնի վրա վերաբնակեցնել միլիոն մարդու:
|