Այս օրերին քրոջ և երեխաների հետ Հայաստանում գտնվող Քիմ Քարդաշյանը բազմաթիվ նվերներ է ստանում իր երկրպագուներից: «Ինսթագրամ»-ի սթորիներ բաժնում հրապարակած տեսանյութում նա ցուցադրել է դրանց մի մասն ու շնորհակալություն հայտնել: Նրա հրապարակած տեսանյութում առանձնանում են բնական ծաղկե միջուկներով զարդերը:

MAMUL.am-ին հաջողվեց կապ հաստատել զարդերը պատրաստող Shushan@Tatev ապրանքանիշի համահիմնադիր Տաթևիկ Ղալթաղչյանի հետ: Զարդի հեղինակը նշեց, որ արծաթյա հավաքածուներից մեկը լազուրիտ (լաջվարդ) քարով էր ու տերեփուկներով, մյուսն էլ ցիտրին (ամեթրին) քարով էր ու ծորենիներով: «Քիմ և Քորթնի Քարդաշյաններն իրենց հետ կտանեն Հայաստանի բնությունից, ծիլ ու ծաղկից մի մասնիկ՝ հավերժ կյանք ստացած Shushan&Tatev ձեռագործ զարդում»,- նշեց Տաթևիկ Ղալթաղչյանը:

Ավելի վաղ MAMUL.am-ն անդրադարձել էր Shushan&Tatev-ի ինքնատիպ զարդերին, ներկայացրել ապրանքանիշի՝ գարնանային երանգներով հավաքածուն: