+24 °C, +16 °C ... +28 °C Վաղը`+28 °C
Ադրբեջանի նախագահ Իլհամ Ալիևը մեկ շաբաթում հեռացրեց երկրի վարչապետին, այնուհետև փոխվարչապետերին, այսօր էլ արդեն՝ նախագահական աշխատակազմի ղեկավարին: Նշենք նաև, որ այս օրերին Ադրբեջանում բողոքի ակցիաներ են տեղի ունենում, որոնք տեղի իրավապահ մարմինները ցրում են՝ բռնի ուժ կիրառելով: ԱԺ «Իմ քայլը» խմբակցության պատգամավոր Տաթևիկ Հայրապետյանն այսօր Հանրային հեռուստաընկերության եթերում ասել է, որ Ադրբեջանում վերջին օրերին ինտենսիվ փոփոխություններ են ընթանում: Պատգամավորի խոսքով՝ աշխատակազմի ղեկավար Ռամիզ Մեհդիևին պաշտոնից ազատելը լուրջ քայլ է: Վերջինս 20 տարուց ավելի եղել է նույն պաշտոնին՝ լինելով ներկայիս նախագահի հոր՝ Հեյդար Ալիևի մտերիմ անձանցից մեկը. «Ալիևի կինը՝ Մեհրիբան Ալիևան 2017-ից ինտենսիվորեն աշխատում էր Մեհդիևին հեռացնել պաշտոնից, որովհետև Փաշաևներ և «Նախիջևանյան կլան» համատեքստում Մեհդիևը հանդիսանում է հենց այդ կլանի միավորողը: Նա իրենց պետականության կառուցողներից մեկն է համարվում: Եվ այժմ Ալիևն ազատվում է իր հայրական գվարդիայի բոլոր ներկայացուցիչներից՝ փոխարենը առաջ բերելով Փաշաևներին մոտ կանգնած կադրերին»,-ասել է Հայրապետյանը: Առավել մանրամասն՝ տեսանյութում: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am