Սիրիական բանակի ստորաբաժանումները երեքշաբթի ամբողջությամբ մաքրել են Դամասկոս-Հալեպ ռազմավարական մայրուղին ահաբեկչական խմբավորումներից, հաղորդել է Al Hadath հեռուստաալիքը:

Ըստ հեռուստաալիքի, սիրիական զորքերը դուրս են մղել գրոհայիններին, որոնք տեղակայված են եղել Համա և Հալեպ քաղաքների միջև ընկած մայրուղու վերջին հատվածում: Մայրուղին հանդիսանում է տրանսպորտային զարկերակ, որի երկարությունը կազմում է 432 կմ, այն միացնում է Դամասկոսի հյուսիսում տեղակայված Սիրիայի արդյունաբերական տարածքները և տնտեսական մայրաքաղաք Հալեպը:
2012 թվականից ի վեր Իդլիբ նահանգի արևելքում և Հալեպի հարավ-արևմտյան շրջակայքում գտնվող բնակավայրերը գտնվել են «Ջեբհաթ ան-Նուսրա» խմբավորման զինյալների տիրապետության տակ: