ԱՄՆ պետդեպարտամենտի ժողովրդավարության, մարդու իրավունքների և աշխատանքային հարաբերությունների բյուրոն նախատեսում է ավելի քան 640,000 դոլար հատկացնել Հայաստանին՝ «ժողովրդավարության մշակույթը» զարգացնելու համար: Այս մասին ասված է ամերիկյան գերատեսչության հրապարակած փաստաթղթերում, գրում է RT-ն։ «Ժողովրդավարության, մարդու իրավունքների և աշխատանքային հարաբերությունների բյուրոյի նպատակը Հայաստանի քաղաքացիական հասարակության՝ բացասական ազդեցությունների նկատմամբ կայունությունը բարձրացնելու ջանքերին աջակցելու միջոցով ժողովրդավարության մշակույթի խթանումն է»,- նշվում է փաստաթղթում: Բացի այդ, տեքստում նշվում է, որ ծրագրի բաղկացուցիչներից մեկը կարող է լինել տեղական ԶԼՄ-ներում իրականությանը չհամապատասխանող տեղեկությունների մոնիթորինգը։ |