ԱԺ «Լուսավոր Հայաստան» խմբակցության պատգամավոր Աննա Կոստանյանը ֆեյսբուքյան իր էջում գրել է. «ԲՈԿ նախագահ (հրաժարականը դեռևս ստորագրված չէ վերջին տվյալներով) Սմբատ Գոգյանի կողմից օրերս կատարած հրաժարականի հիմք հանդիսացած պնդումների շուրջ ծագած մի շարք հարցրերի պարզաբանման նպատակով ԱԺ ԳԿՄՍԵՍ հանձնաժողովի կողմից այսօր հրավիրվել էր արտահերթ նիստ, որին հրավիրվել էին ԲՈԿ նախագահ Սմբատ Գոգյանը և ԿԳՄՍ նախարարի տեղակալ Գրիշա Թամրազյանը։ Շուրջ 5 ժամ տևած փակ քննարկման ընթացքում տրվեցին հարցրեր, որոնք վերաբերում էին ԲՈԿ նախագահի հրաժարականի՝ ըստ նրա հիմք հանդիսացող պնդումներին, մասնավորապես ՀՊՏՀ ռեկտորների նախկին և ներկայիս ժամանակավոր պաշտոնակատարների գիտական աշխատանքներում հայտնաբերված խնդիրներին, և ոչ միայն։ Պետք է ասեմ, որ բոլոր հարցերին տրվել են պատասխաններ, այլ է՝ դրանք բավարարել են հանձնաժողովի անդամներին, թե ոչ։ |